|
الحماة والكنة في التراث الفلسطيني
[frame="1 80"]في احدى اعراسنا الفلسطينية ما كانت الحماة راضية عن كنيتها "عروسة ابنها "
فحبت الحماة تزف ابنها وعروسته ع طريقتها الخاصة وقفت قبال العروس وقامت وآاهت.... آويها يلي قاعدة بحد ابني ..... آويها ما فيكي شي عاجبني..... اويها هلأ بتحكي حبني.... اويها بكرة بتحكي كبني.... اويها و ان ما مشيتي دغري.... اويها لتلاقي بيت الضرة مبني..... لولولولولوليش قامت ردت عليها العروس وقالت ... آويها وحيات شالك وشنشالك.... آويها بعد اسبوع لافضالك.... اويها و انشاء الله فال الله و لا فالك .... و اويها و داء الفالج جالك .... اويها لاشغل بالك و انهب مالك.... اويها و ابنك ما بيهنالك.... اويها و بعدها لافرجيكي حالك.... لولولولولوليش اما العريس المسكين احتار بامره بين مرته وامه ورد وقال: اويها وصارت براسي .. اويها وقطعت نفاسي ... اويها ومهرها غالي .. اويها وأمي رافضتها ... اويها و بدها بنت خالي ... اويها وعجلولي بجوازي .. اويها احسن من الجازي ... لولولولولوليش والباقي عندكم تحياتي [/frame] |
هههههههههههههههه
من زمان ما اسمعنا هيك زغاريت ما في احلى من التراث ياريت اعراسنا ترجع زي زمان |
نسأل الله العافية هاي مش كنة و حماة هاي حرب نسائية الله يكون بعون العريس |
يلي بدو يريح راسه يخلي امه اتجوزه على مزاجها
|
مشكورين اخواني ( ام نور@ أبو خبيب@ لطيفة) على طيب مروركم
|
[frame="1 80"]
اصة الحماة والكنة عمرها ما بتنتهي [/frame] |
شو أبو رشاد هالأيام رايقة أعصابك يا عم هنيالك ....شغلت الشباب بالتوزيع وأنت هيك بتزغرد الله يديم عليك وأسرتك السعادة ...ونسمع الزغرودة بعرس رشاد |
مشكورة اخت سهاد ....
|
اقتباس:
|
الله ايعين العريس واقع بين حانا ومانا
|
| الساعة الآن 08:48 AM |
Powered by vediovib4; Version 3.8.7
Copyright © 2026 vBulletin Solutions, Inc. All rights reserved.
