طبقات البسكوت
الطريقة :قالب زبدة وحليب سائل وسكر وفانيلا وطحين وكاكاو وبسكوت وزبيب حسب الرغبة
بتقسمي الزبدة نصين النص الأول بتخليه يسيح وبعدين بتحطي حوالي 3 معالق كبار طحين فوق الزبدة وبتحركيهم منيح لحد ما يتحمص الطحين وبتجبي الحليب السائل وبضيفي فوق الطحين بالتدريج هو بيشرب حليب الخليط لحد ما يصير الخليط متل الكريمة قوامو تقريبا وبتحطي 3 معالق كبار سكر و2 فانيلا بودرة وبتحركيهم منيح لحد ما يتجانس الخليط منيح
طبقة الكاكاو نفس الشي بس بضيفي الكاكاو
بترصي في البايركس أو بأي صينية عندك البسكوت بس قبل بتغطسي البسكوت بالحليب يادوب مو كتير بعدين بترصي وبديري فوقها الطبقة البيضة
بعدين بترصي فوقهم طبقة تانية من البسكوت وبتحطي فوقهم خليط الكاكاو وبتزيني متل مابدك وبتحطيها بالتلاجة لحتي تبرد شوي
سهلة كتير وما بتاخد منك وقت
وصحة وهنا