فنون نكد الرجال

[frame="1 80"]
فنون نكد الرجال من الألف إلى الياء

الألف :اعملي أكل يا مرة
الباء : بكرا عازم اصحابي عالغدا حضري حالك
التاء : ترى اليوم ما فيه فلوس يعني اوعك تطلبي اشي
الثاء : ثمن سنين وانتي تحضري غدا ... !
الجيم:جارتنا عمري ما سمعتها بتطلب اشي من جوزها تعلمي منها
الحاء : حبيبتي اليوم جايبلك اواعي الشغل الثانيات تغسليهن
الخاء : خبري جاراتك انو اليوم ما في طلعة بدك تنفضي البيت كلو
الدال : دايما أكلك فيه اشي غلط ...مستحيل يكون كامل
الذال : ذنبك على جنبك .. قلتلك انا من قبل .. اليوم سهرة الشلة عندي
الراء : روحي اعمليلي كاسة شاي يامرة .. نشفتي ريقي
الزاء : زمان كانت امي كل يوم تعملي حلويات غير .. اما انتي بالسنة مرة
السين :ساعة وانتي بتلبسي؟تقولي رايحة على عرس .. اما مرة
الشين : شفتي قلتلك من الاول روحتنا عند امك بدها تنكدني
الصاد : صرت ميت مرة قايلك البلفون لا تحكي عليه كثير .. وخصوصا مع حماتي
الضاد : ضايل علي والله اجبلك خدامة تخدمك .. ولشو انا متجوزتك ؟روحي اشتغلي بسرعة
الطاء : طلع صاحبي متزوج مرا بتعرف تعمل كل الحلويات .. من يوم وطالع كل يوم بدك تعمليلي فهمتي
الظاء: ظروف؟امك يجي تبات عندي يوم كامل وتقوليلي ظروفها؟شو هالناس هاي
العين:عرفت من امي انك اليوم نزلتي على السوق ... اكيدكل الراتب طيرتيه
الغين: غريبة هاي اول مرة ما بتنقّي علي .. أكيد في اشي من ورا هالهدوء
الفاء :فول؟؟كم مرة فهمتك ما بحبو الفول؟روحي كبي الطبخة بطلت آكل
القاف : قومي بسرعة طولي كل ملابسي بدي اشوف شو البس الليلة عند اصحابي
الكاف: كاسة مية بدك حدا يقولك جيبيها؟؟ ما بتعرفي منك لحالك يعني
اللام : لا تقوليلي بدك كرت جوال من شهرين حطيتلك واحد .. ما بتصدقي تحكي مع امك عشان تبلشي خراريف فاضية
الميم : مين قلك اني معي فلوس؟ هيني تعالي فتشيني حتى حق باكيت دخان مفيش معي
النون : نعم ؟ قديش بدك مصاري؟ليش شو بدك تروحي تعمري دار انتي؟مفش معي
الهاء :هون حفرنا وهون طمرنا .. ان شا الله بدرى انك حكيتي لحماتي اشي بعرفها وكالة انباء مهي
الواو : ول عليكي هداك العيد اشتريتي لبسة جديدة .. شو مالك انتي ما بتراعي ظروفي؟
الياء : يا حبيبي ما صدقت اخلص من المناسبات جاي تحكيلي عيد الام ..
[/frame]